الثلاثاء، 16 أكتوبر 2012

طارطة مالحة بالكروفيت طريفات د الحوت والخضيرة

طارطة مالحة بالكروفيت طريفات د الحوت والخضيرة

مقادير العجين : زلافة ونص د الطحين + 1 بيضة + م ك عامرة زبدة + شوية د الملح + شوية ابزار + شوية زعتر + 2 م ك خميرة د الحلوة + 1 دانون لينيا بنكهة الجبن أونصف دانون بنكهة لفاني + شوية د الحليب لي يجمع لعجينة

نخلط كلشي ونبدا نضيف الحليب حتى تتجمع العجينة









نخليها ترتاح ونحضر الحشوة


المقادير : شوية د الكروفيت + شوية طريفات د الحوت + صلصة الطماطم + زيت بلدية +1 فلفل أحمر + 2 قرعات محكوكين + 3 جزرات محكوكين

+ 1 بورو + شوية د السبانخ + هريسة حسب الذوق + ملح حسب الذوق + إبزار +


سكنجبير + م ك قزبور +

للدهن : 1 بيضة + م ص صلصة طماطم + شوية زعتر
ملاحظة : ممكن تستغناي على الكروفيت والحوت وتعوضيهم بكفتة الدجاج حتى هي كتجي رائعة
كندبل الفلفل ونضيف البرور والقزبور
نغطيهم يدبالو مزيان


نضيف الخضر إلا السبانخ
يدبالو مزيان ونضيف الحوت والتوابل والصلصة


يطيبو نصف طيبة نضيف السبانخ


منين يطيبو نطفي عليهم ونخليهم يبردو مزيان


طلقت العجين قد المول ولبسته عليه وعمرت بالحشو


طلقت العجين لي بقات غطيت بيها الحشو وقطعت الزيادات


كنحيد العجين من الحواف ديال المول


العجين لي بقا ليا قطعتو بالمرشم على شكل وريدات وزينت بيه كيف واضح فالصور وعموما التزيين كيبقى إختياري وحسب الذوق




الوريدات ثبتهوم بعود النوار

دهنت مزيااااان بالخليط وكنثقب بإبرا رقيقة باش متتنفخش العجينة
ممكن تتقدم بدون أي إضافات
أنا كنفضل نزينها بهاد الطريقة شوية د جبن كيري وزويتنات وطريفات د فلفل أحمر


























































في أمان لله وحفضه

الجمعة، 12 أكتوبر 2012

الروز بطريفات د الدجاج وصلصة الطماطم






بالنسبة للمقادير فهي عينك ميزانك أو حسب عدد
الأشخاص


كنحتاجو الروز


زيت بلدية

2 حبات هيل ( كل مازدنا الروز نديدو الهيل باش يجي مذاقه باين )

2 حبات نويويرة

عود قرفة

شوية إبزار وسكنجبير

ملح


الطريقة : كنسخن الزيت ونسخن فيه العطرية وغير تطلع ريحتها نضيف عليها الروز ونشحرو 2 دقايق تقريبا ونضيف ضعف قياس الروز من الماء

يعني إدا عملت كاس د الروز نعمل زوج كيسان د الماء وطبعا إدا احتاجيت أكثر نضيف شوية بشوية حسب نوعية الروزنخلي الروز يتشرب مزيان وينشف وندوز عليه بالفروشيط باش نفرق الحبات

مقادير الدجاج : 300 غ من هبرة الدجاج ممكن أقل أو أكثر حسب المتوفر

5 حبات طماطم مقطعة مكعبات صغيرة

شوية قزبور

3 م ك صلصة طماطم خفيفة

زيت بلدية

ملح + إبزار + كامون + سكنجبير + تحميرة + م ص توابل شوارمة الدجاج

ممكن تعملو شوية د الثوم أنا عندي محظورة فالدار هههههههههه

شوية لوز للتزيين ( إختياري )

الطريقة : نخلط الدجاج مع كل التوابل والزيت ونشحرهم مزيان ونضيف الطماطم والقزبور والصلصة ونخلي الكل يطيب
نخليهم يشربو شوية ونطفي عليهم ونقدمهم

وبالصحة والراحة





















في أمان لله