الاثنين، 3 ديسمبر، 2012

بسبوسة باللوز






ليوم غادي نقدم ليكم البسبوسة باللوز بطريقتي بصراحة


كل أفراد عائلتي كبيرهم وصغيرهم كتعجبهم بزاف


مقاديرها ساهلة وطريقة تحضيرها أسهل


بسم لله نبداو بالمقادير :

زلافة لوز ممحمر ومطحون خشين شوية

زلافة د السكر


زلافة د الزيت


زلافة السميدة ( من الأفضل تكون غليضة )


زلافة د البيض


1 دانون فاني


1 خميرة الحلوى بيضا أو 2 خميرة حمرا



الطريقة : كنخلط النواشف ونضيف السوائل ونخلط كلشي مزيان










نعمل الخليط في مول وندخلها للفران تطيب


سيرو لسقي البسبوسة : 1 ماء الزهر صغير
1 مربى المشماش أو الخوخ


منين تقرب البسبوسة تطيب نعمل السيرو يغلي



هنا خرجتها من الفرن وقلبتها ورديتها لنفس المول


خويت عليها السيرو وهي باقة سخونة ورشيت عليها لوز إفيلي نخليها تبرد مزيان


ومن الأفضل تبات ليلة كاملة أو من الصباح حتى لليل



قطعتها طريفات

تقدم بالصحة والراحة




الثلاثاء، 13 نوفمبر، 2012

الشارغو بطريقة بسيطة ساهلة وغزالة





المقادير : حوت الشارغو + 2بصلات متوسطين + 3 حبات طماطم + 3 حبات بطاطا + فلفل أحمر + ربيطة د القزبور + وريقة د الرند

ملح + إبزار + سكنجبير + زعفران + كامون + شوية زعتر + زيت بلدية


 قطعت الخضر دوائر عملت الزيت فالمقلة ونزلت البصلة والرند وبعدها البطاطا ودوائر الفلفل الأحمر ونزلت الحوت



 كنخلي الطماطم للأخير ونقطع عليها القزبور

 كناخد كاس د الماء ونعمل فيه التوابل حسب ذوق كل واحد ونمرق بيه ونردها تطيب


 منين طاب دخلتو للفران يتحمر شوية


وها الحوت واجدة كنتمنى تعجبكم إن شاء لله




الشارغو بطريقة بسيطة ساهلة وغزالة


السبت، 10 نوفمبر، 2012

تارت بكريم باتسري وبوذرة اللوز







 مقادير العجينة : أصفر 4 بيضات + 200 غ سكر جلاصي + 500 غ دقيق + 250 غ زبدة باردة


ملاحظة : أنا هنا عملت العبار دوبل يعني ممكن تعملو نصف المقادير




 كنخلط الدقيق مع الزبدة حتى يولي مرمل ونجمعو بأصفر البيض راه فالأول مكيبغيش يتجمع غير شوية شوية حتى تجمع



 نعملها في بلاستيك غدائي ونخليها ترتاح 30 دقيقة فالثلاجة


نطلقها بين السولفيريزي باش متقطعش ونلبسها للمول نشكها مزيان من الوسط ونعل وسطها سولفيريزي وكمية من الحبوب باش يتقلوها ومتطلعش من الوسط




 ونطيبها نصف طيبة ونحيد ليها الحبوب ونخليها تتحمر
عنددكم تحرقوها بحالي هههههه




 لكريم باتسري بنكهة النيسكافيه : كاس كبير حليب + 2 اصفر بيض + 2 م ك دقيق او نشا + م ك نيسكافيه + 2 م ك سكر او حسب الدوق



 كنخلط كلشي مزيان ونعملو على نار متوسطة وانا كنحرك حتى يعقاد الخليط






الكريم باتسري ببودرة اللوز: كاس كبير حليب + 2 اصفر بيض + 2 م ك دقيق او نشا + 2 م ك سكر او حسب الدوق

  + 2 م ك بودرة اللوز




 كنخلط كلشي مزيان ونعملو على نار متوسطة وانا كنحرك حتى يعقاد الخليط







عملت طبقة من كريم النيسكافيه وخليتها حتى بردات عاد طيبت الكريم الثانية حيت إدا طيبت حتى كريم بودرة اللوز غادي تعقد ومنقدرش نوزعها مزيان فوق الكريم الأولى 


هاهي هنا الكريمة بردات مزيان وولات طبقة


شوفو لي قلت ليكم دابا الكريمة باقية سخونة وسائلة غادي تتوزع على الطبقة الأولى بسهولة 
 خليتها حتى بردات مزيان وزينتها بالفريز وكيوي

كنتمنى الوصفة تنال إعجابكم


الجمعة، 9 نوفمبر، 2012

طارط رولي + طارط بالفلان والكريمة







يومكم سعيد وعواشر مبروكة لله يتقبل طعاتكم ويجعلنا وإياكم إن شاء لله العام الجاي نكونو فهاد العواشر في بيت لله الحرام قولو أمين ....

هاد الطورطات كنت نزلتهم حصريا في برنامج نجوم تتلألأ في مطابخ أناقة مغربية

كنتمنى ينالو إعجابكم وتجربوهم إن شاء لله





المقاديرالفلان للطارطة الأولى : نص لتر حليب + 4 بيضات + 2 م ك سكر





الجينواز أنا عملت زوج وحدة طيبتها مع فلان والتانية بوحدها

4 بيضات + 130 غرام سكر + 170 غرام طحين ممتاز + 2 م ص خميرة الحلوى + 1 م ص عسل



كنطرب البيض والسكر والعسل ونضيف الطحين ولخميرة كتجي لعجينة شوية تقيلة ماشي بحال اي جينواز





هنا عملت فلان كنعمل لحليب والبيض والسكر فالخلاط ونخلطهم مزيان




كبيت فلان فالمول 



 ومن لفوق الخليط د الجينواز لي عملت كبيتو بطريقة عشوائية وعملته يطيب في حمام مريم كنشوفو بموس واش طاب



 هذي الجينواز الثانية منين خرجتها من الفران





 نزلتها على فويطة فازكة وعوطتها من الجناب




لويتها وخليتها تبرد مزيان 

 وبديت كنحضر الكريمة (كنعتذر على بعض الصور موضحينش مزيان )

مقادير الكريمة : تقريبا 400 غرام بيض + نفس الوزن سكر + 30 غرام نشا + 180 غرام ماء + 1 فلان بنكهة الكراميل

خلطت السكر مع النشا
 والبيض مع الماء وكنطربو شوية ونصفيه باش يحيدو الشوائب ديال ابيض البيض لي كيبقاو وميطبوش ويخسرو الكريمة

 خلطت البيض و السكر والنشا وعملتهم فوق عافية مهيلة وهنا خص شوية د الخطر ونرد البال باش ميعمليش كويرات ومع ذالك كنصفيه باش نحصل على افضل نتيجة

 قبل ما نبدا فتحضير الكريمة عملت مول د الزجاج فالفريجو يبرد مزيان باش نبرد فيه الكريمة ومتتكتلش

 منين بردت شوية زدت عليها 1 فلان بنكهة الكراميل

 وهاهي واجدة للإستعمال






 بالطبع التزيين كيبقى حسب ذوق كل واحد

 وهادي لي كان فيه فلان عقلتو عليها هههههههههه قسمتها على زوج بشكل مستطيل

وسقيتها بنفس السيرو وزدت م ك من الكاكاو للكريم فريش وعملتو بين الطبقتين وعملت طبقة رقيقة شوية من الكريمة على الوجه وزينتها كيف واضح



 شكل طارطة د فلان من داخل

 والرولي حتى هي من داخل