أسمــاك

حوتة معمرة فالفران بطريقتي

يومكم سعيد إن شاء لله كنتمنى تكونو بخير و على خير

ليوم كنقدم ليكم حوتة معمرة فالفران

المقادير : حوتة كبيرة منقية ومفتوحة من الظهر ( أنا عملت البغار )

2 بصلات كبار + 2 فلفل أحمر مقطع مكعبات + 8 أوراق الرند + 8 مطيشة كبيرة + باقة من القزبور + الشعرية الصينية + ليمون مصير + زيتون مخلي مقطع + كلمار +

قمرون + طريفات د سبادا + شمبنيون + زيت بلدية ورومية + تحميرة + كامون + إبزار + سكنجبير + ملح + شوية الحار إختياري

الطريقة : كنحمر شوية البصلة مع القزبور ونضيف أوراق الرند

ضفت الفلفل والتوابل

حيدت شوية من الخليط وضفت على الباقي شوية د مطيشة لي طحنتها فالخلاط الكهربائي

 ضفت نصف كمية القمرون والرجيلات د الكلمار لي سلقتو الدوائر د الكلمار وسبادا كنخليهم للأخير

منين طابت الحوت ضفت الزيتون والليمون والشنبيون خليتهم شوية وضفت عليهم الشعرية الصينية

خلطت مزياااااااااان ووخليتهم يبردو شوية

 شرملت الحوتة بشوية د الخليط لي نقصت فالأول

وفتحتها باش نعمرها

 

عمرتها 

 خيطتها

لقيت بلي الحوتة لي عندي كبيرة بزاف على أكبر مول عندي لذالك غلفت صينية د الفران بالأليمنيوم وطيبتها فيها

كبيت مطيشة لي طحنت ومعها الخليط لي نقصت فالأول والحوت لي خليت وضفت شوية د الملح لمطيشة وحتى الحوتة ملحتها بوحدها

 وضعت الحوتة وخليت الصوص تكون غير فجنابها

دخلتها تطيب فالفران على عافية مهيلة وفكل وقت كنلقاها خصها شوية د المرق كنضيف شوية د الما لي سلقت فيه الكلمار

خليتها حتى تنشف

 وقدمتها مزينة غير بطريفات د الليمون

كنتمنى تنال إعجابكن وتجربوها إن شاء لله