طارطة بكريمة الكراميل

مساء الخير عليكم كنتمنى تكونو جميع بصحة وعافية إن شاء لله

عواشركم مبروكة لله يحقق ليكم كل أمانيكم بحول لله

 المرحلة الأولى

لتحضيرت الكراميل كنحتاج لكاس صغير د السكر وكاس د الكريم فريش

 كندوب السكر حتى يولي كراميل

 نزيد عليه كريم فريش 

نغطيه ونخليه حتى يعاود يذوب السكر

منين يذوب السكر نخليه معري وحد شوية ونطفي عليه

وهاهو واجد من الأفضل نوجدوه بيوم من قبل باش يتفتح لونو أكثر من هيدا أنا كنت مزروبة اضطريت نوجدو قبل 4 سعات

هنا المقادير لي غادي نحتاجو

للجينواز : 16 بيضة + غ 320 سكر + غ 320 طحين ممتاز د الحلويات + 2 خميرا + 3 لفاني

علبة خوخ + 1 ليتر كريم فريش + كريمة الكراميل لي حضرت + لوز إفيلي محمر

ملاحظة : أنا عملت قياس كبير ممكن تقسميه على 2 أو 3 حسب

طربت البيض والسكر والفاني حتى تضتعف حجمهم

طربت البيض والسكر والفاني حتى تضتعف حجمهم

  
غربلت الطحين والخميرة وبديت كنضيفهم شوية بشوية ونخلط بملعقة خشبية
 فرشت ورق الزبدة فصينية وإلى الفرن مكتاخدش الوقت بزاف وعموما حسب كل فران

 خرجتها حيدت ليها الورق وقسمتها على أربعة

 ضفت تقريبا نصف كمية كريمة الكراميل على نصف ليتر كريم فريش خلطتهم شوية عاد طربتهم

 هاهي واجدة كتجي عاقدة مزياااان وشادة راسها

 كل طبقة سقيتها بالسيرو ديال الخوخ المعلب وعملت فوقها طبقة كثيفة من كريم فريش العادية ماشي لي زدتها الكراميل وطريفات د الخوخ

 غطيت الطارط كاملة بالكريمة 

 بديت كنزوقها بالكريمة لي بنكهة الكراميل 

 كيف كتشوفو قسمت الوجه على زوج النص عملت ليه لوز إفيلي محمر والثاني بكريمة الكراميل

وزوقت الجناب كيف كتشوفو 

 بالصحة والراحة

tarta de princesas

 
أسعد لله أوقاتكن بكل خير

أتمنى تكونو بصحة وعافية

طارطة ليوم سهلة وبسيطة والنتيجة كتخلي لي يشوفها يقول من الباتسري رغم انها صنع منزلي

 نبداو على بركة لله ويارب تعجبكم وتكون إضافة جديدة ومفيدة لوصفاتكم

مقادير الاجنواز : 6 بيضات + 180 غ سكر + 180 غ دقيق مغربل + 1 فاني ( أنا عملت 2 جينواز بيضا و 1 بالكاكاو )

الجينواز لي فيها الكاكاو نفس المقاديرإلا الفاني و كنحيد 40 غ من الدقيق ونعوضو بالكاكاو ( شكلاط غبرة مسوس )

سيرو لسقي الكيك ( أنا سقيت بسيرو الخوخ المعلب ) ممكن تعملي أي سيرو كتفضليه

خوخ معلب مقطع مكعبات صغيرة

كريم فريش

باسطا أو ورق التزيين كل واحد شنو كيسميها

شوية نباج مخفف بشوية د الما غير شوية ماشي بزاف

شوية ملون أحمر

عقيق فضي وغوز

الطريقة المعتادة للجينواز : نطرب البيض يكون في حرارة المطبخ نطربو مزيان مع السكر والفاني حتى يتضاعف حجمهم 3 مرات ويبياض لونو

 كنضيف الدقيق مغربل شوية بشوية ونخلط بملعقة خشبية من لتحت لفوق باش نحافض على الهوا لي فالبيض

 نغلف المول أو الصينية لي غادي نطيب فيها بالسولفيريزي ونطيبها على حرارة 180° وعيني ميزاني حسب كل فرن والوقت لي كياخد

ها الجينواز طايبة 

كنقلبها فوق سولفيريزي آخر ونحيد ليها لي طابت فيه ونخليها تبرد مزيان

 هادي الجينواز بالفاني

 دابا غادي نجيو للمونطاج عملت جينواز الفاني وسقيتها مزيان بالسيرو وعملت عليها طبقة كثيفة من الكريمة وطريفات د الخوخ

ونزلت عليها جينواز الكاكاو وكررت نفس العملية 

 الطبقة الأخيرة سقيتها مزيان بالسيرو 

 
نزلت عليها صينية وضغطت غير بشوية علاش ؟

باش نقاد الكيك من لفوق ومنين نزل الصورة متجيش جهة عالية على أخرى

 غلفت بالكريمة مزيان من لفوق والجوانب عملت غير طبقة رقيقة

 كنقلب الباسطا على ضهرها وندهنها بالنباج مخفف بشوية د الما مزيان

 نزلها على الطارطة ونحاول نعملها فالوسط

نعاود ندهنها مزيـــــان بالنباج
 

دورت عليها بالكريمة بيضا وبعدا بالكريمة غوز الباقي الصور تشرحو أكثر

 هاهي واجدة بالصحة والراحة

ملاحظة : هادي طارطة تقريبا ديال 4 كيلو

كنتمنى تنال إعجابكم